ရှင်တို့ပြောတာဟုတ်ရဲ့လား

ကျွန်မက အာဏာမက်တယ်ဆို
လိုချင်ခဲ့တဲ့ အာဏာက
ပြည်သူတွေအတွက်ပါ 
ရှင်တို့ပြောတာ ဟုတ်ရဲ့လား

ကျွန်မက တိုင်းပြည်ကို
ဖျက်မယ့်မိန်းမဆို
ကျွန်မကြောင့်ဘာတွေပျက်ခဲ့သလဲ
ရှင်တို့ပြောတာ ဟုတ်ရဲ့လား

ကျွန်မက ရခိုင်ကိုသွားရင်
အသတ်ခံရမယ်ဆို
ရခိုင်တွေယဉ်ကျေးလိုက်တာမှတအား
ရှင်တို့ပြောတာ ဟုတ်ရဲ့လား

ကျွန်မက
လက်ပံတောင်းတောင်ကိစ္စ
မလုပ်ဘူးဆို
လျော်ကြေးနဲ့နိုင်ငံရပိုင်ခွင့်တွေ တိုးလာတယ်လေ
ရှင်တို့ပြောတာ ဟုတ်ရဲ့လား

ကျွန်မကဘင်္ဂါလီတွေကို
ကာကွယ်ပေးတယ်ဆို
ဘင်္ဂါလီဘယ်နှစ်ယောက်လောက်
ကျွန်မဝင်ခွင့်ပေးခဲ့လဲ
ရှင်တို့ပြောတာ ဟုတ်ရဲ့လား

ကျွန်မကစစ်သားတွေကို
မုန်းတယ်ဆို
ဖေဖေကိုယ်တိုင်က
စစ်သားကြီးပါ
ရှင်တို့ပြောတာ ဟုတ်ရဲ့လား

ကျွန်မသမ္မတဖြစ်ရင်
ကုလားတွေနေရာရမယ်ဆို
NLD အမတ်လောင်းတွေထဲမှာ ကုလားမပါပါဘူး
ရှင်တို့ပြောတာ ဟုတ်ရဲ့လား

ကျွန်မကိုယ်တိုင်က
အနမ်းခံချင်နေတာဆို
ကြီးကြီးငယ်ငယ် ကျား မ မရွေး
ကျွန်မပါးကိုနမ်းကြတာပါ
ရှင်တို့ပြောတာ ဟုတ်ရဲ့လား

ကျွန်မကနေရာရရင် တိုင်းပြည်ကိုရောင်းစားမယ်ဆို
သစ်တစ်တုံး ကျောက်တစ်တုံး
မရောင်းဖူးပါဘူး
ရှင်တို့ပြောတာ ဟုတ်ရဲ့လား

ကျွန်မကအသက်ကြီးပြီဆို
သူတို့တွေရောဘယ်မှာ
အသက်ငယ်လို့လဲ
ရှင်တို့ပြောတာ ဟုတ်ရဲ့လား

ကျွန်မက အတ္တကြီးတယ်ဆို
ကိုယ့်အတွက်ဘာတွေများ
လုပ်နေမိလို့လဲ
ရှင်တို့ပြောတာ ဟုတ်ရဲ့လား

ကျွန်မကမိန်းမရိုင်းကြီးပါဆို
ဘယ်သူ့ကိုဘယ်နေရာမှာ
ဆဲဆိုခဲ့ဖူးလဲ
ရှင်တို့ပြောတာ ဟုတ်ရဲ့လား

ကျွန်မက မဖြစ်နိုင်တာတွေ
ပြောတယ်ဆို
အပြောနဲ့အလုပ်မညီတာဘာရှိလဲ
ရှင်တို့ပြောတာ ဟုတ်ရဲ့လား

ကျွန်မကအပစ်ရပ်
ငြိမ်းချမ်းရေးအတွက်အရှုပ်ဆို
အခုလက်မှတ်ထိုးပြီးသွားကြပြီလေ
ရှင်တို့ပြောတာ ဟုတ်ရဲ့လား

ကျွန်မက နိုဘယ်လ်ဆုနဲ့
မထိုက်တန်ဘူးဆို
ပေးဆပ်ခဲ့ရတာတွေအများကြီးပါ
ရှင်တို့ပြောတာ ဟုတ်ရဲ့လား

ကျွန်မက ရိုသေကိုင်းရှိုင်းမှုနည်းတယ်ဆို
လူသွားလမ်းပေါ်တောင်
ဘုန်းကြီးကိုကန်တော့တာပါ
ရှင်တို့ပြောတာ ဟုတ်ရဲ့လား

ကျွန်မက သာသနာဖျက်မယ့်
မိန်းမကြီးဆို
ဘုရားဖြို သိမ်ဖျက် ဗလီတက်
မလုပ်ခဲ့ပါဘူး
ရှင်တို့ပြောတာ ဟုတ်ရဲ့လား

ကျွန်မကအခွင့်ထူးခံလူတန်းစားဆို
သီးသန့်လေယာဉ်နဲ့ခရီးသွားတာ
မရှိခဲ့ပါဘူး
ရှင်တို့ပြောတာ ဟုတ်ရဲ့လား

ကျွန်မက မက်လုံးတွေပေးပြီး
မဲဆွယ်တယ်ဆို
နဖူးစီးတွေ ထီးတွေ အကျႌတွေ
ဘယ်သူ့ကိုပေးခ့ဲလဲ
ရှင်တို့ပြောတာ ဟုတ်ရဲ့လား

ကျွန်မက ဗိုလ်ချုပ်အောင်ဆန်း သမီးမို့လို့ပါဆို
ကိုအောင်ဆန်းဦးကို
ဘယ်သူလက်ခံလဲ
ရှင်တို့ပြောတာ ဟုတ်ရဲ့လား

ကျွန်မကသားတွေကိုတောင်
သံယောဇဉ်မရှိဘူးဆို
သားသမီးကိုမချစ်တဲ့မိဘက
ဘယ်မှာရှိလဲ
ရှင်တို့ပြောတာ ဟုတ်ရဲ့လား

ကျွန်မကိုပြောနေကြတဲ့စကားတွေ
ကျွန်မပြန်ကြားနေရတဲ့စကားတွေ
ရှင်တို့ပြောတာ ဟုတ်ရဲ့လား

ရာစုသစ်