နေညိုရင်တောင်
အမေ
မအိုပါနဲ့ဦး အမေရယ် ။
နိုင်ငံအဝှမ်းက အိုးတန််လို့မှ
ဆန်ခပ်စရာမရှိတဲ့ဘဝတွေအတွက်
အမေ ပျိုရွယ်ပေးပါဦး။
နိုင်ငံအဝှမ်းက မိုးရွာလို့မှ
အကာမရှိတဲ့ဘဝတွေအတွက်
အမေပျိုရွယ်ပေးပါဦး။
နိုင်ငံအဝှမ်းကသူခိုးလာလို့မှ
ယူစရာမရှိတဲ့ဘဝတွေအတွက်
အမေ ပျိုရွယ်ပေးပါဦး။
ဘယ်သူဘာပြောပြော
အမေဆိုတာကျွန်တော်တို့အတွက်
ဒုတိယဘုရား။
ဘယ်သူတွေဘယ်လိုမြင်မြင်
အမေဆိုတာကျွန်တော်တို့တွေအတွက်
မရှိမဖြစ်တဲ့အား။
ဘာတွေဘယ်လိုကြားကြား
အလှဆုံးပြုံးထားစမ်းပါ
ကျွန်တော်တို့ မနက်ဖြန်တွေအတွက်
အမေ မအိုပါနဲ့ဦး အမေရယ် ။
##############
No comments:
Post a Comment