ဒေါင်းကတဲ့နေ့

ဒေါင်းကတဲ့နေ့

ဘယ်တောမှာနေနေ

ဘယ်မြေကိုပြောင်းပြောင်း

အရေးအကြောင်းဆို

သွေးမပြောင်းခဲ့ပါဘူး

ရှေးဒေါင်းတွေရဲ့…သမိုင်းအစဉ်

တိုင်းပြည်နဲ့လူမျိုး

ပြည်သူ့အကျိုးဆို…..

အကြောင်းမရွေး

ဒေါင်းသွေးနီဦးမညွှတ်

ဒေါင်းခွပ်ခဲ့တဲ့ရာဇဝင်

ပြည်သူနဲ့အတူမခွဲ

ပြည်သူထဲမှာအတူနေ

အပူဝေအတူမျှ

ဒုက္ခအထွေထွေကလွတ်ကြောင်း

ခွတ်ဒေါင်းဟေ့…..မန်ဝင်

ရန်မြင်သမျှရင်ဆိုင်တွေ့

စမ်းကလေးတွေအေး

ပန်းကလေးတွေမွှေး

ငှက်ကလေးတွေကတေးဆို

ငြိမ်းချမ်းရေးကိုသူတို့ကြိုတော့

မြိုင်ယံညိုဟိုး….ရိုးအခြေက

အိုးဝေ…..အိုးဝေ…

အိုးဝေမင်္ဂလာအပေါင်းခရအောင်

အဲဒီနေ့ဟာဒေါင်းကတဲ့နေ့……။

ဒေါင်းကတဲ့နေ့ကိုအမြန်ဆုံးရောက်ပါစေလို့ ဆုတောင်းရင်း

မောင်စိန်ဝင်း(ပုတီးကုန်း)