ပြောင်းလဲရေး

အာဏာမလွှဲခင်ထဲက နဂိုလ် ရှိပြီးသား ညွှန်ချုပ်တွေရော/အတွင်းဝန် တွေရော ကသုတ်ကရက် ခန့်ခဲ့တဲ့အသစ် တွေရော တဆင့်နိမ့် Dy.DG, ညွန်မှုးတွေ ရော အများစုဟာ ဘယ်လိုအဆောင်အယောင် စည်းစိမ်ဥစ္စာတွေရခဲ့/ရဆဲ ဆိုတာ ကျနော် သိပါတယ်

ဘယ်သူကဖြင့် ဘယ်မှာ သိန်းဘယ်နှစ်သောင်းတန်အိမ် ဝယ်လိုက်တယ်... ဆိုတာတွေလည်း မကြားချင်မှအဆုံး ပါပဲ 

နံမည်ကြီးညွှန်ချုပ်တယောက်ဆိုရင် ကျနော့်လမ်းထဲ မှာတောင် တလုံးဝယ်သွားသေးတယ် သူလာနေတဲ့ရက် ဆိုရင် ဘာကားရပ်ထားတယ် ဆိုတာကအစ, မမြင်ချင်မှ အဆုံးဗျာ ပိုဆိုးတာက သူ့သားက ကျနော့်ဘော်ဒါရဲ့ ယောက်ျားနဲ့ စားသောက်ဆိုင်တောင် စပ်တူထောင်ထားတာ မိုတယ်တလုံးအရောင်းအဝယ်မှာ ကျနော်နဲ့ ဒဲ့ ညိတော့ မလို့ သီသီလေးလိုတာပါ တရားရုံးအထောက်အထားနဲ့ ခုနေ ACC ကို ကောက်တင်လိုက်ရင် အနည်းဆုံးတော့ ခေါ်စစ်ခံရမှာ အသေအချာပါပဲ  ဖုန်း Record တွေလည်း ရှိပါ့

မလုပ်ပါဘူး
ကျနော် ဘယ်တော့မှ PA မလုပ်ဖူး
အမှန်တရား ကို သိစေချင်လို့ လှစ်ပြလိုက်တာပဲရှိတယ်
နောက်တော့ သူတို့ဘက်က အလိုလို ကျွတ်ကျဲသွားပြီး အဲဒီ အရောင်းအဝယ် ဖျက်တဲ့ထိ ဖြစ်ခဲ့တာတော့ သူ့အပိုင်းပါ (ကျနော်တကယ်မလုပ်ခဲ့ပါဘူး )

လိုရင်းပြောရရင်
လာဘ်ပေးလာဘ်ယူတစ်ခုထဲနဲ့ မြန်မာပြည်ဟာ ခုလောက်အခြေအနေထိ #မွဲပြာကျ သွားတာပါ
မိုးခေါင် ရေကြီး လို့ ဆင်းရဲသွားတာမှ မဟုတ်တာ 
ဦးသန်းရွှေ/ဦးမောင်အေး တို့ကိုသာ ဖိပြီး အပြစ်တွေ ပြောနေကြတာ ကျန်တဲ့ အောက်ခြေက သူတော်စင် တွေ  ခိုးခဲ့တာလည်း သောက်သောက်လဲ ပါပဲ

ကျနော် ACC မှာ စာတမ်းတင်ခဲ့ပါတယ်
#အခြေပစ္စည်းများစီစစ်ခြင်းဖြင့်လာဘ်ပေးလာဘ်ယူပပျောက်အောင်ဆောင်ရွက်ရေး ခေါင်းစဉ်နဲ့ပါ ဒီနည်းဟာ နိုင်ငံတကာမှာ ကျင့်သုံးနေသော #အထိရောက်ဆုံးနည်း ပါပဲ နောက်ကြောင်းမပြန်ရ... ဆိုပေမဲ့ အခုဆက်စားနေရင် အရေးယူလို့ရပါတယ်

ခုရက်ပိုင်း လူတွေပြောပြောနေတဲ့ နိုင်ငံခြားမှာအပ်ထားတဲ့ $ဘီလျံ ၁၂၀ တို့/ညွှန်ချုပ်ဘယ်နှစ်ရာက အဟန့်အတား ဖြစ်နေတယ်လို့ ဘယ်ဥက္ကဌကြီးကပြောတယ် ဆိုတာတို့ ကို ကျနော်ကတော့ ခုထိမယုံရဲသေးပါဘူး

ပထမဦးဆုံး ၂၀၁၄ ခုနှစ် ဝင်ငွေခွန်ဥပဒေကို ပြင်ဆင်သည့် ဥပဒေရဲ့ အပိုဒ်တပိုဒ်ဖြစ်တဲ့ #စည်းကြပ်မှုမှကင်းလွတ်နေသည့်ဝင်ငွေဟုခေါ်ဆိုရမည် ဆိုတဲ့ အပိုဒ်ကိုသာ အရင်ပြင်ပါလေ 

#ကိုယ့်အိပ်ထဲကပိုက်ဆံမိုးပေါ်ကကျလာတာပါ လို့ပြောပြီး အခွန် ၃၀% ပေးရင်ပြီးတာ မြန်မာနိုင်ငံပဲ ရှိပါတယ်  Moneylaundering & Tax Evasion မတိုက်ဖျက်ပဲ ချမ်းသာသွားတဲ့နိုင်ငံ ကျနော်မမြင်ဘူးပါ

ထိုင်းက ပရာယွတ် ရဲ့ စစ်အစိုးရလက်ထက်မှာတောင် လူကြီးတယောက် Group photo ရိုက်ရာမှာ တန်ဖိုးကြီး လက်ပတ်နာရီပေါ်နေလို့ အတော်ရှင်းလိုက်ရသေးတာ 
ဒီအကြောင်းကို ကျနော် Seminar တစ်ခုမှာ ပြောဖြစ်ခဲ့ ပါသေးတယ်

အဲဒါ ကျနော်ပြောချင်တဲ့ "ပြောင်းလဲရေး" ပါပဲ။