ပြည်သူ့အိမ်မက်

"ကာကွယ်ရေးဦးစီးချုပ်မှ တရုတ်ကွန်မြူနစ်သမ္မတကို ပွင့်ပွင့်လင်းလင်းသတိပေးလိုက်ခြင်း" တိုင်းရင်းသားညီအကိုအချင်းချင်း စိတ်ဝမ်းကွဲစေရန် ဦးတည်သော မည်သည့်ဝင်ရောက်စွက်ဖက်မှုမျိုးမဆို ရပ်တန်းကရပ်ရန် ကာချုပ်မှတရုတ်ကွန်မြူနစ် သမ္မတသို့
မျက်နှာချင်းဆိုင် တွေ့ဆုံစဉ် သတိပေးလိုက်ခြင်းဖြစ်သည်
.
တဆက်တည်းမှာပင် ဧရာဝတီမြစ်ဆုံစီမံကိန်းကို တရုတ်သမ္မတမှ လူကြီးလူကောင်းဆန်စွာ နောက်ဆုတ်ဖျက်သိမ်းပေးသင့်ကြောင်း လက်ရှိ ကျောက်ဖြူရေနက်ဆိပ်ကမ်းနှင့်
မြန်မာ့မြေပေါ်တွင်သွယ်တန်းထားသော
ကျောက်ဖြူကူမင်းပိုက်လိုင်းတည်ဆောက်မှု ကုန်ကျစရိတ်များကို ပြန်အမ်းလိုကြောင်း

မြန်မာနိုင်ငံ၏ ဂုဏ်သိက္ခာအရ
ရေနက်ဆိပ်ကမ်းနှင့် ပိုက်လိုင်းဝန်ဆောင်မှုကို မြန်မာအစိုးရ၏ တိုက်ရုက်အုပ်ထိမ်းမှု လက်အောင်တွင်သာရှိသင့်ကြောင်း

ထို့ပြင်

ဦးသန်းရွှေနှင့်ချုပ်ဆိုခဲ့သော
စစ်လက်နှက်ဝယ်ယူရေး စာချုပ်များအားလုံးကို ပြန်လည်စိစစ်သွားမည်ဖြစ်ပြီး အရည်အသွေးမပြည့်မီသော စစ်လက်နက်များ ခေတ်နောက်ကျကျန်နေသောနည်းပညာများကို စာချုပ်များမှ ပယ်ဖျက်သွားမည်ဖြစ်ကြောင်း

မတန်တဆဈေးတင်ထားသော
လက်နက်အပိုပစ္စည်းများကိုလည်း
သင့်တင့်သော အဖိုးနှုန်းထားဖြင့်
အစားထိုးပြင်ဆင်ခြင်းမပြုပါက
စာချုပ်များဖျက်သိမ်းသွားမည်ဖြစ်ကြောင်း

မြန်မာနယ်စပ်တလျှောက်ရှိ
စစ်ရေးလေ့ကျင့်နေမှုကို
ချက်ခြင်းရပ်တန့်ပေးရန်တောင်းဆိုကြောင်း မြန်မာနယ်စပ်တွင် တစုံတရာအကြောင်းမရှိပဲ တပ်စွဲထားခြင်းကို ခွင့်မပြုကြောင်း

မြန်မာ့နိုင်ငံနယ်နိမိတ်အတွင်းသို့
အကြောင်းအမျိုးမျိုးပြကာ
ဝင်ရောက်ကျူးကျော်နေသော
တရုတ်ကွန်မြူနစ်အစိုးရ၏ တာဝန်ရှိသူများကို အလျှင်အမြန်ပြန်ခေါ်ရန်သတိပေးကြောင်း

မကြာခင် တရားမဝင်ကျူးကျော်သူများကို ဖော်ထုတ်ဖမ်းဆီးသွားမည်ဖြစ်ကြောင်း

တရားမဝင်ဖွင့်လှစ်ထားသော
မန္တလေးမြို့ရှိ ကိုယ်စားလှယ်ရုံးခွဲနှင့်
တရားမဝင်စီးပွားရေးလုပ်ငန်းများကို
အမြန်ပိတ်ပစ်စေလိုကြောင်း

အချုပ်ဆိုရသော်
မြန်မာနိုင်ငံသည် ပြည်သူများ၏
သဘောဆန္ဒအတိုင်း
ဒီမိုကရေစီဖက်ဒရယ်ပြည်ထောင်စု
လမ်းကြောင်းပေါ်သို့ လျှောက်လှမ်းနေပြီဖြစ်ကြောင်း

တပ်မတော်မှာလည်း
နေရာမှန်ပြန်ရောက်ရန် စတင်နေပြီဖြစ်ကြောင်း

ပြည်သူ့ထံမှလစာစားနေသော
ပြည်သူ့ဝန်ထမ်းအဖွဲ့ဖြစ်သည်နှင့်အညီ
တပ်မတော်သည်လည်း
ပြည်သူတပ်မတော်စစ်စစ်ဖြစ်ရန်
စတင်ပြုပြင်နေပြီဖြစ်ကြောင်း

များမကြာမီအချိန်အတွင်း ၂၀၀၈ဖွဲ့စည်းပုံမှ ပြည်သူနှင့်တပ်မတော် အထင်အမြင်လွဲစေသော ပုဒ်မများကို ပယ်ဖျက်သွားမည်ဖြစ်ကြောင်း

လွှတ်တော်အတွင်းနေရာဦးထားသော
၂၅ရာခိုင်နှုန်းကို ပယ်ဖျက်သွားမည်ဖြစ်ပြီး ဝန်ကြီးဌာနများကို ပြည်သူ့အစိုးရသို့ ပြန်လည်အပ်နှံသွားမည်ဖြစ်ကြောင်း

တပ်မတော်ဖွဲ့စည်းပုံကို
စနစ်ကျသောပြည်သူ့ဝန်ထမ်း
ဒီမိုကရေစီဖက်ဒရယ်ပြည်ထောင်စုတပ်မတော်ဖြစ်အောင်
ပြုပြင်သွားမည်ဖြစ်ကြောင်း

ကာကွယ်ရေးဦးစီးချုပ်ရာထူးသည်
ပြည်သူမှတိုက်ရိုက်ရွေးချယ်တင်မြောက်လိုက်သော
သမ္မတနေရာရသူထံ အပ်နှံရမည့်ရာထူးဖြစ်ကြောင်း

နိုင်ငံတော်၏ အမြင့်ဆုံးအာဏာပိုင်ဆိုသည်မှာ
ပြည်သူများပင်ဖြစ်ကြောင်း

တပ်မတော်အတွင်း အကျင့်ပျက်ခြစားမှုများကို တိုက်ဖျက်လျှက်ရှိကြောင်း

ယခင်ကာလများက စစ်လက်နက်ဝယ်ယူရေး စာချုပ်များချုပ်ဆိုစဉ်က လာဘ်ပေးလာဘ်ယူကိစ္စများ
ရှိခဲ့လျှင် ပြန်လည်ဖော်ထုတ်အရေးယူသွားမှာဖြစ်ကြောင်း တပ်မတော်၏ ဆောင်ပုဒ်မှာ ပြည်သူသာအမိ ပြည်သူသာအဖ ပင်ဖြစ်ကြောင်း

မြန်မာ့ပြုပြင်ပြောင်လဲမှုများကို အနီးကပ်လေ့လာကာ တရုတ်နိုင်ငံကိုလည်း ဗဟိုဦးစီးချုပ်ကိုင်စနစ်မှ
ဒီမိုကရေစီဖက်ဒရယ်ပြည်ထောင်စုအဖြစ် ပြုပြင်ဖွဲ့စည်းသင့်ကြောင်း

ထိုင်ဝမ်နိုင်ငံ၏ရပ်တည်မှုကို အသိအမှတ်ပြုပြီး ဟောင်ကောင်ကျွန်းကို လွတ်လပ်ရေးပေးသင့်ကြောင်း

မတရားသဖြင့် လက်နက်အားကို အာဏာချုပ်ကိုင်မှုသည် နောက်ဆုံးတွင်
နိုင်ငံအတွက် အလားအလာမကောင်းကြောင်း ယဉ်ကျေးသော လူ့အဖွဲ့အစည်းနှင့် လိုက်လျှောညီထွေဖြစ်ရန် ဟန်ဆောင်မှုများကို ဖယ်ခွာရမည်ဖြစ်ကြောင်း

တဦးကမေတ္တာ တဦးကစေတနာဖြင့် ဆက်ဆံမှသာ။မိတ်ဆွေရင်းခြာ ပီသမည်ဖြစ်ကြောင်း နောက်ဆုံးအနေဖြင့် စကားလက်ဆောင်ပါးလိုသည်မှာ
မင်္ဂလသုတ်၏ ဦးဆုံးသောအဆုံးအမဖြစ်သည့် လူမိုက်ကို ရှောင်ကြဉ်ပါ ပညာရှိကို ဆည်းကပ်ပါ ပင်ဖြစ်ကြောင်း

စသဖြင့် ကာချုပ်မှ တရုတ်ကွန်မြူနစ် သမ္မတသို့ ပွင့်ပွင့်လင်းလင်း ထောက်ပြဝေဖန်သတိပေးသွားသည်"

"ဟေ့ကောင်.."

"ထစမ်း..နေ့ခင်းကြောင်တောင်ဘာတွေယောင်ပြီးအော်နေတာလဲကွ.."

"..ထစမ်းကွာ.."...ထိုစဉ်အိပ်မက်မှလန့်နိုးသွာလေသည်။

"......ဗျာ..ဟုတ်....ဟုတ်..."

.".ထပါပြီး..အဖေရ"


မူရင်း#Credit