ကမ္ဘာကြီးရဲ့ ဆုံမှတ်မှာ
မတ်မတ်ရပ်လို့
အနီရောင်ပန်းတစ်ပွင့်ပွင့်ခဲ့တယ်
အားလုံးက တိုက်ခိုက်
အမုန်းတွေနဲ့စိုက်ပျိုး
ပန်းချိုးသမားတွေကြား
သူမ
ပါးပါးလေးပြုံးလို့
မိုးချွေလို့ မကြွေ
လေပြင်းလို့ မလဲ
မုန်တိုင်းထဲမှာတောင်
ပွင့်ပြသွားတာများ
အားလုံးငေးသွားတယ်
ပတ္တမြားမှန်တော့ နွံမနစ်
သမိုင်းအသစ်နဲ့
ခေတ်တစ်ခေတ်ရဲ့ပန်းချီကား
ဟော....ဟိုမှာကြည့်ပါ
အို...
လှလိုက်တာကွယ်
သံမဏိနှင်းဆီတဲ့
တစ်ခါလေးပွင့်လိုက်ရုံနဲ့
တစ်တောလုံးလည်း နီလို့။ ။
No comments:
Post a Comment