လောကမှာ လူရယ်လို့ဖြစ်လာရင် ..
ဥစ္စာဓနတွေကို ရှာဖွေစုဆောင်းရမှာဖြစ်တယ်။
လူတွေနေ့စဉ်ရှာဖွေနေကြတဲ့ ဥစ္စာဓနရဲ့အရည်အသွေးနဲ့
မြတ်ဗုဒ္ဓက ရှာဖွေစုဆောင်းဖို့တိုက်တွန်းတဲ့ ဥစ္စာရဲ့အရည်အသွေး၊ ဒီနှစ်မျိုးဟာ အလွန်ကွာခြားပါတယ်။
သို့သော်လည်း လောကလူသားတွေဟာ နေ့စဉ်နဲ့အမျှ ပကတိပစ္စည်းဥစ္စာကိုသာ ရှာကြတယ်။
ပကတိပစ္စည်းဥစ္စာကို မရှာရဘူးလို့ ဆိုလိုတာမဟုတ်ဘူး။ ပကတိပစ္စည်းဥစ္စာရဲ့အကျိုးပြုမှုဟာ အင်မတန်မှနည်းပါးတယ်လို့ ဆိုလိုတာဖြစ်တယ်။
ကဲ - မြတ်ဗုဒ္ဓက ရှာဖွေစုဆောင်းဖို့တိုက်တွန်းထားတဲ့ မြတ်သောဥစ္စာ
ဆိုတာက ဘာတွေလဲ ..?
"သဒ္ဓါ၊ သီလ၊ ဟိရိ၊ သြတပ္ပ၊ သုတ၊ စာဂ၊ ပညာ"ဆိုတဲ့ လူ့ရဲ့အရည်အချင်းတွေပဲ ဖြစ်တယ်။
ပကတိဥစ္စာ စုဆောင်းမိကြသော ပုဂ္ဂိုလ်များအနေနဲ့ မျက်မှောက်ဘဝမှာ ချမ်းသာသုခ ခံစားနိုင်ကြသလို . .
(သူတော်ဥစ္စာ ခုနစ်ဖြာ) မြတ်သောဥစ္စာ စုဆောင်းကြသူများမှာ မျက်မှောက်ဘဝတွင်သာမက သံသရာဘဝမှာပါ ချမ်းသာသုခ အဆက်ဆက်
ရရှိနိုင်ကြရုံမျှမက နိဗ္ဗာန်ချမ်းသာကိုပါ မျက်မှောက်ပြုနိုင်ကြမှာ ဖြစ်ပါတယ်။
( ပါမောက္ခချုပ်ဆရာတော်ဘုရားကြီး )
No comments:
Post a Comment