“ဒီစနစ်မှာငါဟာနွားကြီးပဲဆိုတာပိုပေါက်လာတယ်”(သူရဦးတင်ဦး)

ကျွန်တော်ကစာတွေပေတွေမဖတ်ဖြစ်ခဲ့ဖူးဘူး၊စစ်တပ်ကစာတွေကိုပဲဖတ်ဖူးခဲ့တယ်။အမှန်အတိုင်းပြောရ

ရင်ဥပဒေကိုမေးရင်သိတယ်။ကျွန်တော်တို့မှာက တိုတိုပဲ၊သူများလိုရှည်ရှည်မလာဘူး။၁၊၂၊၃,၄၊......(၁)

ဆိုရင်ရည်ရွယ်ချက်၊(၂)အခြေအနေကိုသုံးသပ်မယ်၊(၃)ဘယ်နည်းလမ်းကိုရွေးပြီးလုပ်မယ်၊(၄)အဲဒါလုပ်

ဖို့အတွက် စီမံချက်၊(၅)အဲဒါအတွက် အစီအစဉ်ပဲ။အဲဒီဟာကိုပဲတပ်မှူးလုပ်တဲ့သူကခေါင်းထဲမှာစီစဉ်

ထားတာ။ကြီးကျယ်ရင် ကြီးကျယ်သလိုမျိုး၊သေးရင်သေးသလိုမျိုးဒါပဲဘာစာပေမှ မဖတ်ခဲ့ဖူးဘူး။

သူတို့ကိုအများကြီးကျေးဇူးတင်တယ်...ဦးဝင်းထိန်တို့ သူတို့ Research (သုတေသနဌာန)ပေါ့။ကျေး

ဇူးအများကြီးတင်ပါတယ်။Research က ကလေးတွေကလည်းတစ်ချိန်မှာအပယ်ခံရပါတယ်။ဘာဖြစ်လို့

လဲဆိုတော့ ဗမာနိုင်ငံနဲ့ပတ်သက်လို့ အခုမဆလတော်လှန်ရေးကောင်စီတက်တဲ့အချိန်တုန်းကနိုင်ငံခြား

ငွေတက်လာတာကဗိုလ်ချုပ်ကြီးနေဝင်းကလည်းနေ့တိုင်နိုင်ငံခြားငွေဘယ်လောက်တက်တယ်ဆိုတာ

စာရင်းကိုသတင်းစာထဲမှာဖော်ပြတယ်။တက်လာရင် တက်လာတာကိုသူ့လက်တက်မှာဖော်ပြတယ်။

သူကသိပ်ပြချင်တဲ့အတွက် ကိုယ်စီမှာထွက်တဲ့ အသီးအနှံနဲ့ ရောင်းလို့ရတဲ့ ပစ္စည်းတွေကိုကြိုရောင်း

တယ်။ကြိုရောင်းတယ်ဆိုတော့ ဈေးနည်းနည်းနဲ့ ရောင်းရတာပေါ့၊ကြိုရောင်းတယ်ဆိုတော့ ပိုက်ဆံရ

တာပေါ့၊ နိုင်ငံခြားငွေလည်းတက်လာတာပေါ့၊အဲဒီတော့ သူတို့သုတေသနဌာနကဒီလိုနဲ့ ပိုက်ဆံတွေ

တက်လာခြင်းသည်ဒီမတ်လ ၂ရက်နေ့ကနေပြီးတော့ ဟိုဘက်ကိုတက်လာတာ၊တော်လှန်ရေးကောင်စီ

က လုပ်တဲ့ဟာကြောင့် တက်လာတာမဟုတ်ဘူး။ဖဆပလခေတ်ဟိုဖက်ကလုပ်ခဲ့တဲ့ စီးပွားရေးကြောင့်

အရှိန်ကဒီအထိပါလာတာ။အဲဒီတော့ ၁၉၆၆၊၆၇ဟိုဘက်ရောက်ရင် စကျမယ်လို့ သုတေသနဌာနကတင်

တယ်၊အဲဒါတင်ရကောင်းမလားဆိုပြီးကလေးတွေကိုဟိုပြောင်းဒီပြောင်းလုပ်လိုက်တယ်။နောက်အ

သစ်တွေဝင်လာကြတယ်ပေါ့၊နောက်အသစ်တွေကလည်းသူတို့ခိုင်းတာပဲလုပ်တယ်။

ဒါပေမဲ့ သူတို့ (ဦးဝင်ထိန်အား ညွှန်ပြလျက်)သုတေသနကစာဖတ်တဲ့သူ၊ကျွန်တော်တို့ကသုတေသန

တင်ပြချက်ကိုပဲကျက်ရတယ်။စနေနေ့ဆိုသုတေသနစာတမ်းတွေကိုတော်တော်ဖတ်ရတယ်။ဟောပြော

ပွဲရှိရင် နားထောင်ထားရတယ်။ဒါပေမဲ့ တုင်းပြည်အခြေအနေနဲ့ ပတ်သက်လို့ အမှန်မသိခဲ့ရလို့ လုပ်ခဲ့ရ

တာမရှိဘူး။ဒါပေမဲ့ အလုပ်ပြုတ်တဲ့နေ့မှာသူတို့ (ဦးဝင်းထိန်) စာအုပ်တွေခိုးပြီးယူလာပေးတယ်၊အဲဒီ

တော့မှ ကျနော်ဖတ်ဖူးခဲ့တာ။ဂျော့အော်ဝဲလ် ရေးတဲ့စာအုပ်တွေဖတ်ဖူးတယ်။သခင်ဘသောင်းဘာသာ

ပြန်ရေးခဲ့တဲ့ခြေလေးချောင်းတော်လှန်ရေးအကြောင်းဖတ်ဖူးခဲ့တယ်။

သူတို့ဆီကစာတွေဖတ်ဖူးတော့မှဘာသိလိုက်ရလည်းဆိုတော့ မောင်တင်ဦးမင်းဟာ (ချို)ဂျိုကာကြီး၊

နွားကြီးဆိုတာကောင်းကောင်းသိလာတယ်၊ဒါပဲ၊ဘာလို့လဲ၊ဒီစနစ်မှာငါဟာနွားကြီးပဲဆိုတာပိုပြီးသ

ဘောပေါက်လာတယ်။ဒီတော့ စိတ်ထဲမှာဒီစနစ်ဟာဒို့တွေအားလုံးကိုနွားကြီးလိုအလုပ်ခံရတယ်။ဒီ

ဘဝကလွတ်အောင် လုပ်ဖို့ဆိုတာ ငါ့မှာတာဝန်ရှိလာတယ်ဆိုတာသဘောပေါက်လာတယ်။

-ကာကွယ်ရေးဦးစီးချုပ်ဟောင်းသူရဦးတင်ဦး(NLD ပါတီနာယက၊သဘာပတိအဖွဲ့ဝင်)

(“ပြည်သူချစ်သောကာကွယ်ရေးဦးစီးချုပ်ဟောင်းသူရဦးတင်ဦး” စာအုပ်မိတ်ဆက်ပွဲအခမ်းအနားတွင်

ပြောကြားသောစကားမှ ကောက်နှုတ်ချက်)

                                  @@@@@@@@@@@@@@@@